Plan Your Visit
Patient Resources
- Make an Appointment
- Pay Your Bill
- myChart Patient Website
- Financial Counseling
- Medical Records Requests
- Radiology Requests
- Price Transparency
Femeti Sevis Matenel Pou Pasayn Ki Entene
Poukisa Lopital HealthAlliance-Clinton ap fèmen sèvis Inite matènite pou pasyan ki entène a?
Poukisa Lopital HealthAlliance-Clinton ap fèmen sèvis Inite matènite pou pasyan ki entène a?
- Pi gwo priyorite Lopital HealthAlliance-Clinton nan se sante pasyan nou yo ak kominote yo, epi sa gen ladan asire tout sèvis nou bay yo aksesib epi gen bonjan kalite.
- Lopital HealthAlliance-Clinton ap egzamine ak anpil atansyon fason nou bay pasyan yo ak kominote nou sèvi yo swen ak fason pou pi byen asiyen resous nou yo pou sipòte pasyan ki gen gwo risk atravè rejyon an.
- Kòm yon pati nan pwosesis sa a, Lopital HealthAlliance-Clinton te evalye fason manke doktè ak pèsonèl klinik la, ki gaye toupatou nan peyizaj swen sante a, ap afekte sèvis ki egziste deja yo.
- Aprè anpil konsiderasyon epi an akò ak egzijans regilasyon eta a, nou te soumèt yon avi bay Depatman Sante Piblik (DPH) ak tout pati ki apwopriye yo konsènan fèmti sèvis matènite pou pasyan ki entène yo nan lopital HealthAlliance-Clinton pita ane sa a.
- Nan dènye ane yo, mank mendèv nan tout endistri yo te vin pi grav nan defi pou anplwaye yo bay sèvis sa yo toutan. Paske swen matènite a grannman espesyalize epi yo dwe kenbe 24 trè sou 24, 7 jou sou 7, li te toujou pi difisil pou kenbe anplwaye pandan epi apre pandemi an. Sa a, ansanm ak kantite nesans ki ap desann nan lopital la, gen yon enpak enpòtan sou dirabilite inite a alavni.
- Kòm rezilta avi sa a, dat fèmti yo pwopoze pou inite matènite pou pasyan ki entène nan Lopital HealthAlliance-Clinton nan se 23 septanm. Sepandan, sa pa afekte aksè kominote a pou swen prenatal epi swen apre akouchman, ki pral kontinye nan rejyon sa.
- Nou konprann sa a se yon pèt pou kominote lokal nou yo epi nou pran angajman pou travay ak tout patnè yo pou adrese bezwen fanm ak moun k ap fèt nan rejyon an.
- Sa pa yon desizyon nou te pran alalejè. Nou te kolabore atravè sistèm nou an pou detèmine kijan nou ka bay bon jan kalite swen ki toujou fyab atravè rejyon an, pandan n ap navige reyalite aktyèl sistèm swen sante nou an.
- Nou pran angajman pou nou transparan pandan tout pwosesis sa a epi pou asire pasyan nou yo gen aksè a bon jan kalite sèvis ki gen anpil valè yo espere e yo merite.
Ki delè ki genyen pou fèmen inite a?
Ki delè ki genyen pou fèmen inite a?
Dat yo pwopoze pou fèmti inite matènite pou pasyan ki entène nan Lopital HealthAlliance-Clinton nan se 23 septanm.
Kisa Lopital HealthAlliance-Clinton ap fè ak sèvis Inite matènite pou pasyan ki entène a?
Kisa Lopital HealthAlliance-Clinton ap fè ak sèvis Inite matènite pou pasyan ki entène a?
Kounye a, Sou sa nou konsantre nou se kenbe disponibilite aktyèl sèvis matènite pou pasyan ki entène a jiska 23 septanm, pandan n ap travay ak patnè nou yo pou devlope yon plan pou asire aksè ak lòt opsyon swen matènite ak sèvis sante fanm nan Sant Nò Massachusetts pou rezidan yo.
Konbyen anplwaye ki ap afekte pa fèmti sa a?
Konbyen anplwaye ki ap afekte pa fèmti sa a?
- Nou rekonesan anpil anvè moun kè sansib nou yo ki ap bay swen yo ki te ede plizyè milye paran ak fanmi navige pakou akouchman an epi akeyi nouvo moun yo nan lavi yo pandan plizyè deseni.
- Menm jan ak pwofesyonèl swen sante atravè endistri a, nou ap fè fas ak gran mank travayè, ki ap vin agrave defi pou anplwaye inite a.
- Kounye a, 28 moun k ap bay swen aplentan ak 16 pou chak jou, ki gen ladan enfimyè ak teknisyen, anplwaye inite a. Kantite sa, mache ansanm ak kantite nesans ki ap desann nan lopital la, gen yon enpak enpòtan sou dirabilite inite a alavni.
Ki opòtinite yo pral ouvri pou anplwaye ki afekte nan sistèm UMMH la? Ki patenarya sistèm nan ap eksplwate pou mete anplwaye ki afekte yo yon lòt kote?
Ki opòtinite yo pral ouvri pou anplwaye ki afekte nan sistèm UMMH la? Ki patenarya sistèm nan ap eksplwate pou mete anplwaye ki afekte yo yon lòt kote?
Nou konprann kijan pwopozisyon fèmti sa a difisil pou moun k ap bay swen nou yo ki afekte yo epi nou pral fè tout efò posib pou travay avèk yo pou jwenn lòt pozisyon nan sistèm UMass Memorial la tout kote sa posib.
Konbyen pasyan ki ap afekte pa fèmti sa a?
Konbyen pasyan ki ap afekte pa fèmti sa a?
- Asire aksè egal nan swen se yon poto nan misyon Lopital HealthAlliance-Clinton epi li pral rete yon priyorite pandan fèmti sa a.
- Apeprè 500 akouchman fèt nan Lopital HealthAlliance-Clinton chak ane, men kantite sa desann de jou an jou chak ane. Sa se yon mwayèn ki mwens pase de akouchman chak jou, epi pafwa gen youn oswa pa genyen ditou.
- N ap kontinye travay kole ak kominote obstetrik ak pedyatrik kominotè nou yo pou kenbe aksè nan swen prenatal ak apre akouchman. Anplis de sa, nou pral fè envestisman nan lòt òganizasyon kominotè pou kenbe aksè ak sèvis sante fanm nan rejyon an.
Kisa ki demografik popilasyon pasyan yo te sèvi nan inite matènite pou pasyan ki entène nan Lopital HealthAlliance-Clinton nan?
Kisa ki demografik popilasyon pasyan yo te sèvi nan inite matènite pou pasyan ki entène nan Lopital HealthAlliance-Clinton nan?
Popilasyon pasyan an ki sèvi kounye nan inite matènite pasyan ki entène nan Lopital Sante-Clinton se reprezantan nan kominote Leominster, Fitchburg, ak Clinton.
Ki kote pasyan yo prale? Ki lòt sèvis ki disponib lokalman?
Ki kote pasyan yo prale? Ki lòt sèvis ki disponib lokalman?
- Pasyan ki afekte nan fèmti sa ka akouche nan sistèm UMass Memorial Health nan Sant Medikal UMass Memorial oswa yo ka chwazi pou yo resevwa swen nan youn nan anpil lòt lopital ki gen kalite siperyè ki bay swen obstetrik nan rejyon an. Anpil pasyan nan kominote nou an deja chwazi akouche nan Medical Center , ki gen ladan moun ki gen gwosès ki gen gwo risk.
- Founisè Lokal ki ofri sèvis pou pasyan matènite ki entène yo gen ladan Lopital Heywood, Lopital Saint Vincent Sant pou Fanm ak ti bebe, epi Emerson Hospital’s Clough Birthing Center - yo tout nan yon distans 30 minit lè w ap kondui soti nan Lopital HealthAlliance-Clinton, kanpis Leominster. Anpil pasyan nan kominote nou an deja chwazi akouche nan youn nan lokal sa yo oswa nan UMass Memorial Medical Center.
- N ap kontinye travay kole ak kominote obstetrik ak pedyatrik kominotè nou yo pou kenbe aksè nan swen prenatal ak apre akouchman. Nou an kominikasyon epi n ap kontinye nan kominikasyon regilye ak founisè sa yo pandan tout tranzisyon an pou fè li san pwoblèm posib pou pasyan yo.
- Aktyèlman nou nan pwosesis tou pou evalye bezwen kominote a ak fè analiz defisi resous pou enfòme estrateji envestisman kominote nou an ak asire egalite nan sante se priyorite fondamantal. Evalyasyon sa a pral fòme angajman nou pou envesti prèske $600,000 nan sante fanm nan amelyore aksè ak amelyore resous ki sipòte swen prenatal ak aprè akouchman pou manman, moun ki ap akouche, ak tibebe.
Kijan yo pral transpòte pasyan yo nan lòt sèvis lokal yo?
Kijan yo pral transpòte pasyan yo nan lòt sèvis lokal yo?
- Asire aksè egal nan swen se yon poto nan misyon Lopital HealthAlliance-Clinton epi li pral rete yon priyorite pandan fèmti sa a.
- Kounye a nou nan pwosesis pou kolabore ak Depatman polis epi ponpye lokal nou yo, gouvènman minisipal, Biwo Egzekitif Sante ak Sèvis Imen, ak Otorite Transpò Rejyonal Montachusett pou devlope yon plan transpò konplè ki pral amelyore aksè transpò pou randevou medikal ki pa ijan pou manman ak moun k ap fè akouchman, epi tou bay transpò pou fanmi ak vizitè nan sant akouchman ak lopital andeyò zòn sèvis Lopital HealthAlliance-Clinton, Leominster.
Èske Lopital HealthAlliance-Clinton ap kapab okipe akouchman ijans?
Èske Lopital HealthAlliance-Clinton ap kapab okipe akouchman ijans?
Wi. Depatman Ijans Lopital HealthAlliance-Clinton ap kontinye pran swen ka ijans yo lè yo vini epi nou ap kontinye asire nou anplwaye yo prepare pou bay sèvis obstetrik ijans.
Èske Sant Medikal la ap ka jere nesans anplis yo?
Èske Sant Medikal la ap ka jere nesans anplis yo?
- Wi. UMass Memorial Medical Center gen youn nan pi bon inite Travay ak akouchman nan eta a ak nan peyi a epi li byen pozisyone pou aksepte plis kantite pasyan.
- Nou prevwa transfè akouchman yo soti nan Lopital HealthAlliance-Clinton pou ale nan obstetrik UMass Memorial Medical Center’s la. Inite a pral monte soti nan youn rive nan de akouchman pa jou, oswa mwens. Inite obstetrik UMass Memorial Medical Center’s a gen ase kapasite pou absòbe kantite pasyan yo espere yo.
- Nou rekonesan enfiniman anvè moun k ap bay swen nou yo nan UMass Memorial Medical Center, ki kontinye pote lajwa ak konfò bay pasyan nou yo atravè swen eksepsyonèl y ap bay ki nan nivo klas mondyal.
Èske pral gen lòt pwogram rediksyon oswa fèmti nan Lopital HealthAlliance-Clinton nan?
Èske pral gen lòt pwogram rediksyon oswa fèmti nan Lopital HealthAlliance-Clinton nan?
Menm si nou pa gen okenn lòt plan kounye a, nou dwe toujou evalye pwogram ak sèvis nou yo pou pou nou pi byen dirije resous nou yo pou sipòte kominote nou sèvi yo atravè rejyon an.
Kijan Lopital HealthAlliance-Clinton ap planifye pou l envesti nan kominote a kòm rezilta nan fèmti yo pwopoze a?
Kijan Lopital HealthAlliance-Clinton ap planifye pou l envesti nan kominote a kòm rezilta nan fèmti yo pwopoze a?
- Pandan kèk ane ki sot pase yo, Lopital HealthAlliance-Clinton, kanpis Leominster, te envesti nan sèvis sante modèn pou kenbe swen nan kominote a epi satisfè bezwen pasyan aktyèl yo.
- Envestisman sa yo gen ladan etablisman yon nouvo Depatman Ijans, yon nouvo Sant Dyabèt nan Fitchburg Family Practice, ak nouvo espas Klinik Miltidisiplinè, ansanm ak yon nouvo sant kansè ak Sant Byennèt.
- Ane sa a, nou te lanse yon Inite Swen Pwolonje ki pran swen pasyan ki soufri maladi konplèks.
- Nou pral ofri tou yon pwogram Medsen pou Espò nan sezon otòn sa ki ap pote espesyalis UMass Memorial Health nan Leominster.
- Angajman nou anvè pasyan nou yo ak kominote nou sèvi yo depase miray enstalasyon nou yo. Atravè Detèminasyon nan Finansman Bezwen, nou te distribiye 25 sibvansyon bay òganizasyon kominotè yo. Jouk jounen jodi a, plis pase $1.4 milyon dola ki te atribye pou envestisman kominote a te distribiye pou adrese priyorite sante kominotè ki egziste deja yo.
- Aktyèlman nou nan pwosesis pou evalye bezwen kominote a ak fè analiz defisi resous pou enfòme estrateji envestisman kominote nou an ak asire egalite nan sante se priyorite fondamantal. Evalyasyon sa a pral fòme angajman nou pou envesti nan sante fanm nan amelyore aksè ak amelyore resous ki sipòte swen prenatal ak aprè akouchman pou manman, moun ki ap akouche, ak tibebe.
- N ap adapte evalyasyon bezwen nou yo pou nou konsantre sou risk divès popilasyon an, tankou moun ki gen revni fèb; moun BIPOC; moun ki andikape; moun ki gen twoub ki gen rapò ak itilizasyon dwòg ak alkòl; moun LGBTQIA+; ak lòt moun.
- Nou te angaje Resous Sante an Aksyon (Health Resources in Action, HRIA) pou fasilite ak sipòte evalyasyon sa a ak efò koleksyon done kòm yon twazyèm pati ou fè konfyans.
- Efò nou yo pral chèche sipòte zòn sèvis lopital HealthAlliance-Clinton, kanpis Leominster, ki gen ladan Ashburnham, Ashby, Bolton, Clinton, Fitchburg, Gardner, Harvard, Lancaster, Leominster, Lunenburg, Princeton, Sterling, Townsend, epi Westminster.
Exclusive Health Care Provider for the Worcester Red Sox.