Pi gwo priyorite HealthAlliance-Clinton Hospital se sante ak byennèt pasyan ak kominote nou yo, epi, ladan li gen asire nou tout sèvis nou bay yo aksesib epi yo gen bonjan kalite. 

• HealthAlliance-Clinton Hospital toujou pran san li pou egzamine fason nou bay pasyan ak kominote nou ap sèvi yo swen, ak fason pou pi byen asiyen resous yo pou soutni pasyan toupatou nan rejyon an.
• Nan kad pwosesis sa a, HealthAlliance-Clinton Hospital te evalye enpak sa genyen sou sèvis yo lefètke manke doktè ak manm pèsonèl klinik nan inite matènite pou pasyan ki entène nou an, ki toujou la toupatou nan peyizaj swen sante a, ansanm ak kantite akouchman yo ki pa sispann bese.
• Sou baz evalyasyon sa a, epi lefètke nou detèmine kantite manm pèsonèl ak kantite akouchman yo ki bese a gen yon gwo enpak sou dirabilite inite a, nou te soumèt yon avi bay Depatman Sante Piblik la (DPH) ak tout pati ki konsène yo pou nou pwopoze yo fèmen sèvis matènite pou pasyan ki entène yo nan HealthAlliance-Clinton Hospital. 
  
  • Malgre gen plizyè ane depi nou ap fè efò ak tout volonte nou pou anboche manm pèsonèl, pou ensite yo fè anbochman, pou achte ekipman dènye kri epi pou modènize etablisman an, manm pèsonèl pou pòs enpòtan nan inite Lopital la te kontinye bese. 
  • Nou atann pou kesyon manke obstetrisyen, enfimyè ak lòt pwofesyonèl klinik la vin pi grav toujou – sa ki ap lakoz vin pa gen ase manm pèsonèl nan inite matènite a, epi nou p ap kapab bay swen ki apwopriye yo tout lè, sa ki ap lakoz gen risk ki pa itil pou pasyan ki ap akouche epi pou tibebe ki fèk fèt yo.

• Apre nou fin byen respekte pwosesis verifikasyon DPH yo pou kesyon fèmen sèvis ki esansyèl yo, nou te fèmen inite matènite HealthAlliance-Clinton Hospital pou pasyan ki entène a nan dat 23 septanm 2023. Sa pa afekte aksè kominote a genyen nan swen anvan nesans ak swen apre nesans yo, ki ap kontinye nan rejyon sa a.

• Aktout kesyon fèmen inite sa a te vrèman nesesè sou baz pwennvi klinik, nou konprann, nan domèn emosyonèl, desizyon sa a fè anpil moun mal, sitou pasyan ak anplwaye nan HA-C yo, amsam, ak tout moun nan kominote a. Pandan nou ap gade devan, nou rete detèmine pou bay swen eksepsyonèl, ki konpetan nan domèn kiltirèl, epi ki chaje konpasyon, toutpandan nou ap ranfòse epi elaji resous nou yo pou tout moun ki nan bezwen.

Nou konprann jan kesyon fèmen an difisil pou moun nou yo ki ap bay swen epi sa afekte yo, epi nou te fè tout efò nou kapab pou travay avèk yo, yon fason pou nou jwenn lòt pòs nan sistèm UMass Memorial la nan mezi sa posib. 

Pasyan yo toujou gen posibilite pou resevwa swen anvan nesans ak swen apre nesans nan menm klinik OB/GYN lokal la jan yo ap fè sa kounye a.

• Pasyan afekte akoz nou fèmen inite a kapab akouche nan sistèm UMass Memorial Health la nan UMass Memorial Medical Center, oswa yo kapab chwazi resevwa swen nan youn nan pakèt lòt lopital gwo kalite ki bay swen obstetrik nan rejyon an. Anpil pasyan nan kominote nou an deja chwazi akouche nan Medical Center, san wete moun ansent ki gen gwo risk. 
• Nou ap kontinye travay nan tèt kole ak founisè swen obstetrik epi pedyatrik nan kominote a, pou kontinye bay aksè nan swen anvan nesans ak swen apre nesans yo. Nou ap kontinye kominike regilyèman ak founisè sa yo pandan tout tranzisyon an, yon fason pou sa fèt san pwoblèm otank posib pou pasyan yo. 
• Epitou, aktyèlman nou ap evalye bezwen kominote a epi nou ap analize pwoblèm kesyon resous yo yon fason pou eklere estrateji envestisman kominotè nou an epi pou asire nou priyorize ekite nan kesyon sante. Evalyasyon sa a ap ankadre angajman nou pran pou envesti prèske $600,000 nan sante medam yo grasa mwayen transpò ak amelyorasyon aksè epi ranfòsman resous pou soutni sèvis anvan akouchman epi apre akouchman pou manman, moun ki ap akouche yo, ak tibebe yo. 

Wi. Sèvis dijans ki sou Kanpis Clinton ansanm ak Leominster nan HealthAlliance-Clinton Hospital la ap kontinye jere ka ki ijan yo lè yo rive, epi yo ap asire yo manm pèsonèl yo prepare pou bay sèvis an ijans nan domèn obstetrik. 

HealthAlliance-Clinton se yon òganizasyon ki solid, estab epi ki ap pwospere, ki toujou ap evalye bezwen kominote a epi ki envesti nan yon seri sèvis ki konble bezwen pasyan nou yo genyen nan kesyon sante. Menmsi nou pa gen okenn lòt plan pou redui pwogram yo aktyèlman, nou dwe toujou evalye pwogram ak sèvis nou yo yon fason pou pi byen oryante resous nou yo pou soutni kominote nou ap sèvi toupatou nan rejyon an. Pandan dènye ane ki pase yo, HealthAlliance-Clinton Hospital, kanpis Leominster a, te envesti nan sèvis sante dènye kri pou kontinye bay swen nan kominote a epi pou konble bezwen pasyan yo genyen aktyèlman. 

• Nan envestisman sa yo gen kreyasyon yon nouvo Sèvis Djans, yon nouvo Sant Dyabèt nan Fitchburg Family Practice, ak yon seri nouvo lokal pou Klinik Miltidisiplinè, ansanm ak yon nouvo Sant Kansè ak yon Sant Byennèt. 
• Ane sa a, nou te lanse yon Inite Swen Pwolonje pou pran swen pasyan ki soufri maladi konplike yo. 
• Epitou, nan sezon otòn, nou ap ofri yon pwogram Medsin Espò ki ap pèmèt yon seri espesyalis nan UMass Memorial Health vin nan Leominster.