Dwa Pasyan Yo
Tout pasyan nan UMass Memorial Medical Center yo gen dwa pou:
- Jwenn, sou demann, non ak espesyalite doktè a oswa lòt responsab pou swen w oswa kowòdinasyon swen.
- Lib pou chwazi yon doktè ak yon etablisman, sof pou tretman medikal an ijans, akondisyon doktè a kapab resevwa pasyan an.
- Patisipe nan devlopman ak nan enplemantasyon plan swen an.
- Konfidansyalite tout dosye ak kominikasyon yo jan lalwa dakò sa.
- Genyen vizitè selon chwa w (oswa yon moun ki pou sipòte w lè sa apwopriye) an akò ak règleman lopital la. Yo pa ka restren, limite oswa refize dwa vizit yo sou baz ras, koulè po, orijin etnik, kilti, langaj, orijin nasyonal, sitwayènte, estati etranje, relijyon, kwayans, sèks, oryantasyon seksyèl, idantite oswa ekspresyon jan, laj, estati sosyo ekonomik, andikap fizik oswa mantal.
- Pou tout demann rezonab yo reponn rapidman e yon fason adekwa dapre kapasite etablisman sa a.
- Sou demann, jwenn yon esplikasyon kòm relasyon, si genyen, etablisman sa a, ak nenpòt lòt etablisman oswa enstitisyon pou edikasyon nan sa ki gen pou wè ak swen oswa tretman ou.
- Sou demann, resevwa tout enfòmasyon etablisman sa a genyen disponib nan sa ki gen pou wè ak asistans finansye oswa swen gratis, ansanm ak tout règ ki aplike sou konpòtman w kòm pasyan nan etablisman sa a.
- Resevwa enfòmasyon sou responsablite w yo lè w ap resevwa swen, tretman ak sèvis.
- Sou demann, enspekte, mande yon chanjman oswa resevwa yon kopi dosye medikal ou kont yon frè ki fikse selon tarif aktyèl depans kopi yo.
- Resevwa yon kopi dosye medikal ou gratis si ou montre demann ou an fèt pou sipòte yon reklamasyon oswa yon apèl dapre nenpòt dispozisyon Lwa sou Sekirite Sosyal oswa nenpòt pwogram asistans finansye federal oswa eta ki baze sou bezwen.
- Refize pou elèv egzaminen w, obsève oswa trete w oswa nenpòt lòt manm pèsonèl san w pa mete an danje aksè ak swen ak atansyon fizik, sikolojik oswa medikal.
- Ou gen dwa refize sèvi kòm sijè rechèch epi refize nenpòt swen oswa egzamen kote objektif prensipal la se pou edikasyon oswa enfòmasyon olye terapetik.
- Resevwa avi alavans sou bay oswa sispann swen chak fwa sa posib.
- Gen dwa pou w gen vi prive ak diyite pèsonèl pandan tretman oswa swen medikal, selon kapasite etablisman an.
- Pou yo respekte valè kiltirèl, sikososyal, espirityèl ak pèsonèl ou yo, kwayans ak preferans ou yo, oryantasyon seksyèl ou, idantite oswa ekspresyon jen ou.
- Mande sèvis pastè ak lòt sèvis espirityèl.
- Resevwa tretman ki ka sove lavi nan yon ijans san diskriminasyon akoz sous pèman oswa reta diskisyon sou sous pèman an koze.
- Si yo refize ba ou tretman akoz mank sous peman, ou gen dwa pou yon transfè rapid ak sekirize nan yon etablisman ki dakò pou resevwa ou epi bay tretman.
- Si ou se yon viktim vyòl ki nan laj pou gen pitit e ki ka vin ansent, ou gen dwa pou resevwa enfòmasyon medikal epi ki verifye alekri Komisyonè Sante Piblik Massachusetts prepare sou kontrasepsyon ijans, pou yo ofri ou kontrasepsyon ijans rapidman epi pou yo ba ou kontrasepsyon ijans, sou demann.
- Dwa pou bay konsantman enfòme jan lalwa prevwa li, ladan genyen dwa pou aksepte oswa refize tretman medikal, genyen refize oswa sispann tretman ki kenbe lavi oswa refize sèvis reyanimasyon.
- Si ou gen kansè tete, ou gen dwa pou w gen enfòmasyon konplè konsènan tretman altènatif ki posib ak medikaman Si w ap fè yon operasyon pou mete enplan nan tete, ou gen dwa konnen dezavantaj ak risk ki asosye ak enplantasyon nan tete a, epi doktè w ta dwe pale avè w sou sa omwen 10 jou anvan operasyon an, sòf si se yon ijans.
- Gen dwa pou w pa sibi okenn izolman oswa okenn fòm kontrent ki fèt kòm yon mwayen pou fòse w fè yon bagay, pou disipline w, pou fasilite travay pèsonèl yo, oswa kòm revanj. Yo ka itilize kontrent oswa izolman sèlman pou garanti sekirite fizik imedya yon pasyan, yon manm pèsonèl la oswa lòt moun epi yo dwe sispann yo pi vit posib.
- Dwa pou yo evalye epi jere doulè w jan sa dwe fèt.
- Gen yon manm fanmi oswa yon lòt reprezantan ou chwazi ansanm ak doktè ou dwe enfòme sou admisyon ou nan lopital la, epi ou gen dwa deziye yon moun pou swen pou patisipe nan pwosesis sòti ou.
- Fòme direktiv antisipe epi revize yo nenpòt ki lè. Nan Massachusetts, zouti pou aplike direktiv antisipe ou se yon Pwokirasyon Sèvis Sante (Health Care Proxy).
- Resevwa swen nan yon anviwònman ki sekirize, san okenn fòm abi oswa asèlman.
- Resevwa sèvis entèprèt sou demann.
- Resevwa enfòmasyon sou rezilta swen ak tretman ki te bay, tankou rezilta moun pa t atann.
- Resevwa, sou demann, yon fakti detaye ki montre frè doktè a ak/oswa etablisman an, tankou frè laboratwa, frè famasi, ak kredi ak frè tyès pati, epi voye yon kopi fakti detaye oswa deklarasyon an bay doktè ki la pou pran swen ou.
- Si yo mande ou retire rad ou e mete rad lopital pou fè yon egzamen medikal (si sa apwopriye) oswa nan ka kote anplwaye lopital ap fè yon tchèk pou rezon sekirite, ou gen dwa refize, sof si gen enfòmasyon klinik ki konvenkan ki montre yon risk iminan pou ou oswa pou lòt moun, epi tout lòt altènativ rezonab yo te fin eseye.
- Si enstitisyon sa a ofri sèvis matènite epi ou se yon pasyan matènite, ou gen dwa resevwa enfòmasyon estatistik sou kèk aspè nan akouchman ki te fèt anvan nan lopital sa a.
Responsablite Pasyan
Kòm yon Pasyan nan UMass Memorial Sant Medikal, Nou Mande Ou:
- Bay enfòmasyon kòrèk ak konplè sou nouvo ak ansyen pwoblèm sante ou.
- Mande èd si w pa konprann sa w tande sou swen ou.
- Bay lopital la yon kopi pwokirasyon swen sante ou si ou gen youn.
- Suiv règ ak règleman lopital la ki gen rapò ak swen pasyan epi ak konpòtman, menm politik pa fimen ak pwodwi tabak yo tou.
- Entèraj ak founisè sèvis swen sante, lòt pasyan, vizitè, ak pèsonèl lopital la nan yon fason respektab ak sivil, menasan, ak/oswa langaj oswa konpòtman abizif.
- Fè atansyon ak dwa lòt pasyan yo ak pèsonèl lopital la, epi ede nan kontwole bri a.
- Bay lopital la enfòmasyon yo bezwen sou pèman swen medikal ou, ki gen ladan papye idantifikasyon ak asirans.
- Travay ak pwofesyonèl sante ou yo pou jwenn tretman ki pi efikas epi ki pi sekirize pou pwoblèm sante ou.
- Montre respè pou pèsonèl lopital la, lòt pasyan yo, ak vizitè yo lè w ap itilize telefòn mobil ou, espesyalman nan zòn piblik yo.
- Bay yon manm fanmi ou oswa yon moun k ap ba w swen pwopriyete pèsonèl ou oswa bagay ki gen valè yo nan yon kòf sekirize nan lopital la.
View Non-Discrimination Policy
Eksprime Preyokipasyon Ou
Ou gen dwa pou eksprime preyokipasyon ak/oswa plent ou yo sou kalite swen ak/oswa sèvis ou resevwa. Eksprime yon preyokipasyon oswa yon plent p ap gen enpak sou aksè ou a swen oswa tretman. Si ou gen yon preokipasyon oswa si ou santi yo pa t respekte dwa w, kontakte:
Biwo Defans Pasyan, UMass Memorial Medical Center
55 Lake Avenue North, Worcester, MA 01655
Telefòn: 774-442-3701
Commonwealth of Massachusetts, Komisyon Andrejistreman Nan Medsin
178 Albion Street, Suite 330
Wakefield, MA 01880
Telefòn: 781-876-8200
Liy Asistans Konsomatè: 800-377-0550
https://www.mass.gov/orgs/board-of-registration-in-medicine
Department of Public Health (DPH)
Division of Health Care Facility Licensure and Certification
Compliant Intake Unit
67 Forest Street
Marlborough, MA 01752
Tel: 800-462-5540 or 617-753-8150
DPH: Kijan pou depoze yon plent
The Joint Commission: Office of Quality and Patient Safety
Patient safety concerns can be reported to The Joint Commission on the Joint Commission website using the “Report a Patient Safety Event” link in the “Action Center” on the home page, by fax to 630-792-5636, or by mail to:
One Renaissance Boulevard
Oakbrook Terrace, IL 60181
Pou Preyokipasyon Sou Konfidansyalite Privacy Officer
UMass Memorial Medical Center
365 Plantation Street, 3rd Floor, Worcester, MA 01604
Liy Konfidansyalite: 508-334-5551